Мисија на Ф.В.Е
Да внесе нов живот во Виа Егнациа и на регионите околу патот, со цел Виа Егнациа повторно да стане начин на поврзување на луѓето преку контакти, размена на знаење и културни вредности. Конкретниот дел од мисијата е да помогнеме во развивањето на Виа Егнациа во една безгранична пешачка патека. Односниот дел од мисијата се однесува на стимулирање на соработка и размена помеѓу луѓе, организации и експерти кои имаат интерес во Виа Егнациа.
Сите активности на Ф.В.Е. имаат еден главен фокус а тоа е стимулирање на економскиот и социјалниот развој на регионите долж Виа Егнациа и развој на пријателствата и промовирање на мир и соживот преку поврзување на луѓето од повеќе земји.
Принципи на Ф.В.Е. (Фондација Виа Егнациа)
- Ова не е наш пат. Ниту пак Виа Егнациа припаѓа некому. Виа Егнациа е дел на заедничкото културно наследство кое вреди да биде заштитено и зачувано.
- Ф.В.Е. е непрофитабилна организација.
- Комуникација и рамноправна соработка со локалното население и организации.
- Почит кон животната средина, природа и култура.
- Кооперација и тимска работа на сите нивоа на организацијата.
- Разноврсни таленти и придонеси се вреднувани во Ф.В.Е.
- Битните одлуки што се однесуваат до Виа Егнациа треба да се базирани што е можно повеќе на научни истражувања.
- Стимулација на интердисциплинарни и интернационални истражувања за Виа Егнациа.
- Историскиот научен материјал кој ќе се користи за целите на проектот треба да се базира на заедничката историја на регионот.
- Фокус на меѓу-гранична соработка и активности а не само на локални активности.
- Стимулирање на туризмот кој е базиран на реален интерес и посветеност кон регионот на Виа Егнациа.
- Стимулација на креативност и уживање на сите нивоа и во сите (под) проекти.
Примери на активности на Ф.В..Е:
- Создавање на книга и документарен филм за животот долж Виа Егнациа
- Младински програми на размена на луѓе кои работат на археолошките локалитети како и размена на ученици од школи кои се наоѓаат долж патот
- Археолошки случувања (истражувања, презентации...) долж Виа Егнација
- Развој на едукативен материјал базиран на заедничката историја на Виа Егнациа
- Организрање на концерти со музичари од сите земји каде поминува патот
- Организација на патувачки експедиции за изучување на историјата на В.Е.
- Помош при презервација и реконструкција на самиот историски пат
- Поддршка на локални иницијативи како на пример селски туризам, преноќишта за луѓе и животни (магариња, коњи)
Примери на тоа што Ф.В.Е. не прави:
- Ние не организираме туристички настани
- Ние не финансираме активности кои не се поврзани со Ф.В.Е.
- Ние не го присилуваме локалното население да ги прифати нашите проекти
- Ние нема да соработуваме со нациналистички организации ниту со оние со такви цели
- Ние нема да завземаме страни во конфликтите помеѓу земјите во регионот
И уште еднаш да повториме дека целта на сите научни, човечки и културни дејства е да се придонесе кон развитокот на регионите долж Виа Егнациа и крајна цел е да се развива пријателството и мирот преку поврзувања и запознавања помеѓу луѓето во овој регион.
Ако би сакале и вие да дадете свој придонес кон овој проект со вашето знаење и креативност ве молиме контактирајте го нашиот координатор.